Fasnacht 2022

SUJET: Mir entpeschte s'Covité

>> d'Bricht zur Fasnacht 22 findsch do

Dr Zeedel

(brinslet vom Frank)

Mir entpeschte s Covité

D Gsellschaft isch als wie meh am Usenanderdrifte
Me ignoriert, bhauptet und duet Unfriide stifte
Die gaischdig Fierig, d Orientiirig isch niene me    
Si isch abtaucht, het sich astegge lo - unser Covité
Dunggli Zyte hän d Freid us de Gasse bloose
Duesch vergäblig nach Schränze, Ruesse und Pfiffe loose
Frog di fescht ob unschuldig bisch wie e Kind
oder ob in dir steggt, eins vo däne Sind:

o Ha zwei Yoor d’Corolänzregle einfach ignoriert
o S’Mässgli unter dr Nase umme drabbiert
o De Obrigkaite d Trychle lyte lo
o Und zem Niesse d Hand vors Muul gno
o statt go Gässle bin ich am Skiliftbügel ghange
o Und au scho ohni Blagedde an d Fasnacht gange    
    
Willsch gegestiire und frey si vo dine Sind und Tate
Muesch bis in all Ewigkeit mit de Fiess in Räppli bade
Jede Frydig am Obe go ruesse oder pfiffe
und denn wirsch au Du ändlig begriffe
die hälli Syte vom Läbe wirsch nur entdegge
wenn by uns Fasnacht machsch, by de
Junge Schnurebegge