Fasnacht 2017

SUJET: #VirtualReality#VR#Schnurebegge #JungiGarde#Fasnacht2017

Dr Zeedel

(brinslet vom Cedric)

Hittzuedags hänn mr alli bald nur no ei Wille:
Mer wänn unbedingt sone #VirtualReality Brille!
Und statt mit beide Fiess do uf der #Ärde z‘ lääbe,
Dien mr in sagehafti #virtuelle #Wälte entschwääbe.

Und het’s „do bi uns“ #Rääge, #Wind und #Schnee,
Kasch „dört“ #Sache, wo sunscht niene sehsch, seh!
Dangg #intelligänte Entwiggler mit mega vyyl Grips
Und vor allem dangg #super#mega#Microchips.

0001010011REALITÄT01010101000000110101011010
1010000100111110101010VIRTUELL?REAL?1011110
00#SIMULIERTI #REALITÄT000001010101100010101
01011111100101010#IREALI#SIMULATION?11101011

01010011S;01000011C;01001000H;01001110N;
01010101U;01010010R; 01000101E;01000010B;
01000101E;01000111G;01000111G;01000101E

So #Reality #Brille-sinn scho ganz viel umme,
S‘Hirni bruuche dien nur no die … :-)
Mir flüchte vor #bad #news in die #virtuelle Wälte,
Hinterfrooge dien mer das alles (leider) nur sälte :-(

Im #Facebook jommere mer über das, wonis nid basst.
In #Blogs dien mer lääse wär wär und worum hasst!!!!
De Mensche schynt irgend neume irgend ebbis z’fähle,
Drum dien si anderi mit #Shitstorms und #Fake News quäle.

Im #Internet dien ganz böösi #Troll umme tolle.
Mir wisse nit, was mer gege all die #Spams mache solle.
Au in däre #neue #Wält sotts no gwissi #Regle gä.
Aber wo die #Politiker, wo das verstehn här näh?

Mir lehre über #Pokémon, während d #Uni muess spaare.
Anderi mässe der Rychtum halt in #Landwirtschafts Aare ;-)
Wenn me numme ei Rohstoff oder ei #Zuekunft het,
Legt me sich besser nit mit eme #Sparfuchs ins #Bett.

110101010001011110101#MÈÈGLIGKEITE?1001010111
00001000MÖGLIGKEITE?0MÖGLICHKEITE??00100011
0000010100001100101000001000100010001001011101
110000000ALLES ISCH MEEGLIG:-)1000101010101001

D #Arbet lagere mr an #Maschine uss und finde‘s glatt :-))
D #Jugend, wo schaffe wott, het das alles satt :-((
Wenn me muetig isch und #neui #Mèègligkeite schafft,
Sott me luege, ass nid alles #der Glych an sich rafft.

Die sogenannte #Digital #Nativs stürme in #Arbetsmärt.
(Die Sache het me de #50 plus halt ebe nie erklärt.)
Statt däne, wo me do eigentlig het, e #Chance z’gäh,
Isch’s eifacher, jungi #Indische #IT-Cracks z’näh.

Alli vier Johr dèrfe au mir do z’ #Basel Lyt go wähle.
Wemme alli die #Kandidate aluegt, duet is das quäle :-(
Es wär doch toll - statt Staatspersonal und alti Lyt -
Dass es au emol wider #jungi #Unternähmer git!!!

D #Fifa lehrt is, was me gscheiter nid mache sott.
Schad isch’s denn, wenn‘s trotzdem jede kopiere wott.
E Verein, wo #Gäld macht, isch halt scho bitz speziell…
Dr #Wessels frogt s #Elsass, ob’s nid none #Milliönli well.

Trotz all däm „irr“-reale dien mer nit vergässe z’gniesse:
D #Fasnacht und d #Fründe dien uns s #Lääbe versiesse.
Drum stèèhn mr (ganz real) yy und lèhn is loh dryybe,
Fiir drey Dääg kenne uns alli Sorge gstohle blyybe!

1101010MORGESTRAICH00010101010101000101010
0001000000000010101110101000101010100110#0400
111100010101010000110111MÄHLSUBBE101000000
000101010101010100010011110101110100000LOL00

Z‘vorderscht laufe dasjohr virtuell-bebrillti #Harlekin,
Verzüggt im virtuell-reale #Fasnachtswälte-Schyyn.
In ihrer eigene #Dimension fühle si sich pudelwohl,
Will als “Opfer“ ihne so kein s #Füdle versohl :-))

Unsri #Begleiter - bereits e bitzeli eldderi #Semester -
Sinn au emol jung gsi, wenn au nid grad geschter…
Uff #Rolatore unterwägs, stürt d #Technik ihri #Schritt
Assmene immer schön #Platz macht, wär unsri #Bitt!

Der #Dambourmajor isch - hejo - e #stolze #Maa:
Zem Überläbe muess e #Bruuch halt #Draditione ha.
Ebbis #Neus isch meistens scho guet und rächt,
Aber neu nur ass‘ neu isch, isch halt au wider schlächt.

Im Spil isch #Multitasking en absoluti #Pflicht!!!
D #Uffgoobemängi isch halt ganz extrem dicht ;-)
Näbem #Musiziere git’s au no so #wichtigschti Sache,
Wie laufend #twittere und #Instagramm #Fötteli mache :-)

Doch ganz ehrlig, die schöni #Wält vo #Virtuell-Real,
Isch is eigentlig drei #Daag lang ganz e bitzeli egal:
Vor em #Morgestraich könne mer alli kuum me penne
Und dien ab de viere nur no s #Fasnacht#Game kenne!

110011100FASNACHT11010100010101010101010100
000101010100001000000001010101010100ISCH00100
000MEGAGEIL001110101010111101010100010101101
11001010100101010000000000000000BLACKOUT..…