Willkomme bi de Junge

Mir sind die Jungi Garde vo de Schnurebegge. Natürlig sind mir au alles Buebe und händs minand zämme luschtig.

Alles was mit dr Fasnacht z due het, wird vo unsere Junge mitbestimmt, drzue ghört d Sujet-Waal, s Larve-Moole genauso wie z.B. s Berügge gnüpfe.

Während unserem jöörlige Iebigsweekend dien mir Jungi s Sujet für die näggscht Fasnacht bestimme und wo mir s'musikalische mit dr Sujetwahl und e huffe glatte Aktione verbinde.

Unseri Inschtruggder sinn erfaare, musikalisch sehr begobt, teilwiis sogar extärn und guet.

Wär noonig kaa pfyffen oder drummle, dä lauft bi uns im Vordraab mit. Sälbverständlig hän mir jedes Joor e tolli Ladärne und e tolls Requisit, wo mir immer gmeinsam vor dr Fasnacht dien baschtle.

Du seesch, bi uns lauft immer ebbis. Bi uns wirsch au DU Di ganz schnäll dehaim füüle.

An dr Fasnacht wärde mir Junge vo Erwachsene begleitet und betreut, unsere Bärefiehrer.

Es isch bi uns sälbverständlig, ass mir als Fasnachts-Clique Wärt uff s Musikalische u n d s Frindschaftlige leege.

Hesch au DU Luscht, bi dr Junge Garde vo de Schnurebegge mit z’mache, denn mäld di bim Obmaa!