Willkomme bi de Junge

Fasnacht bi dr Junge Garde

An dr Fasnacht wärde die Junge professionell vo Erwachsene begleitet und betreut.

Wär noonig kaa pfyffen oder drummle, dä lauft bi uns im Vordraab mit. Sälbverständlig hän mir jedes Joor e tolli Ladärne und e tolls Requisit, wo mir immer gmeinsam vor dr Fasnacht dien baschtle.

Alles was mit dr Fasnacht z due het, wird vo unsere Junge mitbestimmt, drzue ghört d Sujet-Waal, s Larve-Moole genauso wie z.B. s Berügge gnüpfe.

Während unserem jöörlige Herbschtweekend dien mir Jungi s Sujet für die näggscht Fasnacht bestimme und wo mir s'musikalische mit dr Sujetwahl und e huffe glatte Aktione verbinde.

Du seesch, bi uns lauft immer ebbis. Bi uns wirdsch DU Di ganz schnäll dehaim füüle.



Was unbedingt muesch wüsse

Unseri Inschtruggder sinn erfaare und guet.
S isch bi uns sälbverständlig, ass mir als Fasnachts-Clique Wärt uff s Musikalische u n d uff s Frindschaftlige leege.

Hesch au DU Luscht, bi dr Junge Garde vo de Schnurebegge mit z’mache, denn mäld di bim Obmaa!
Wötsch DU bi dr Junge Garde vo de Schnurebegge e Schnupperfasnacht mache? Denn mäld di bim Obmaa!